Letras Galegas 2014: Xosé María Díaz Castro

Mañán, sábado 17 de maio, celébrase o Día das Letras Galegas e nas Bibliotecas Municipais temos preparada toda unha programación arredor deste festexo.

xosemariadiazcastro

A figura homenaxeada este ano é Xosé María Díaz Castro, poeta nado en Parga (Lugo)

Da súa obra Nimbos destacamos os poemas; Nimbos, Esmeralda e Cova Alumada.

NIMBOS

Si é que o poema é só un nimbo de lus

que os ollos cegos póñenlles ás cousas

soñadas, ou amadas nas teebras”.

Das cousas que xa forom e se forom

Pro siguen senso e non se van xa máis,

Das sombras que, xogando cos meus ollos,

Na miña vida en lume se enxeriron,

Eu deixo eiqui os nimbos, coma cinza

De rosas que onte encheron de perfume

O mundo, morto xove, dalgun soño.

ESMERALDA

Herba perquerrechiña

Que con medo sorris

Ó sol que vai nacendo

E morrendo sen ti,

¿por qué de ser pequena

te me avergonzas ti?

¡O Universo sería

máis pequeño sen ti!

COVA ALUMANDA

¡Cruel, cruel, cruel

realidade!¡Ai Laio

sobre o escombro dun soño

que non se ergueirá máis!

Para aló do mundo, un sol

sen noite nin historia

busca a ruína esquecida

e énchea toda de gloria.

#m8mepresta

Se queres saber máis sobre este autor e todo o que preparamos nas Bibliotecas  Municipais visita a nosa wiki e desfruta tamén das mostras bibliográficas.

 

 

Catálogo

“Se vive estrechamente si se piensa con estrechez, y de manera libre si se piensa libremente”

La filosofía explicada a mi hija. Roger-Pol Droit.Paidós, 2010

portada

Hai uns días devolvéronnos un libro todo suliñado (grññññ) e este Subtekarian que aquí escribe viuse na obriga de borrar todo iso antes de deixalo no seu sitio. E conforme ía borrando ía lendo e canto máis lía máis interesante era esta lectura. Malia que a dedicatoria salvouse do lápis, pareceume tan suxerente que quero compartila aquí:

“A todas aquellas y aquellos que se plantean cuestiones
y no se contentan con las respuestas”

Continúa no prólogo afirmando que “Filosofía es un término que suele asustar” cousa que comparto totalmente. Teño que seguir lendo. O autor di que para filosofar só precisamos de facernos preguntas e de capacidade de reflexión e que esta actividade é unha fonte de ledicia, asombro e liberdade. Deste xeito e sen me decatar, percorrín con pracer estas amenas 95 páxinas.

O propósito de Roger-Pol Droit non é outro que o de facilitar unha primeira achega a esta disciplina e para iso sérvese do recurso de presentala como unha conversa coa súa filla de 16 anos. Diríxese a un público novo, pero eu que non o son tanto tamén aproveitei moito desta breve lectura.

O libro divídese en catro capítulos que xa nos poñen sobre a pista de en que consiste isto de filosofar: a procura das ideas verdadeiras e da sabedoría, traballando coa palabra como ferramenta do pensamento e a través da reflexión e un método crítico.

filosofia (1)

Fai un breve percorrido sobre as orixes e a historia da filosofía, dende o seu nacemento na Grecia en crise do século VI a.C ata a época moderna, pasando pola escuridade medieval onde o ideal de sabio ficou eclipsado polo de santo. Ademais, fálanos doutras culturas (na India, na China) nas que pola mesma época agromaron movementos semellantes de reflexión e análise sobre o home a natureza das cousas.

O salientable de todo isto e que pensamentos tan antigos seguen a ter vixencia hoxe en día, xa que non teñen relación coa actualidade inmediata senón coa actitude do home ante a súa propia existencia.

Para rematar, o autor explícanos as distintas ramas da filosofía: a metafísica, a lóxica, a psicoloxía e a filosofía moral e política. Algunhas delas acadaron tal grado de desenvolvemento que, nalgúns casos pasaron a outras áreas do coñecemento, como a lóxica que se integrou na matemática, ou ben adquiriron entidade propia, como a psicoloxía.

Convídovos a iniciar esta lectura cunha última cita:

“En el fondo la filosofía permite toda clase de aventuras, periplos y trayectos.
A su manera, es una actividad que nos invita a viajar.
¡Ahora te toca a tí trazar tu camino!”

Outras obras do mesmo autor: La religión explicada a mi hija, Vivir hoy : con Sócrates, Epicuro, Séneca y todos los demás e Occidente explicado a todo el mundo.